人生就好似一套電影，每個人都是自己的導演、主角同編劇。劇本由你寫，鏡頭由你控制，你永遠是那個被打上spot light的角色。電影有開場，有高潮起伏，也有結局的字幕滾動。如果係人生係一套電影，你會點樣形容呢齣戲呢？而你會點樣去演這套屬於你的故事呢？
有時，我們會覺得呢一刻嘅劇情好亂，遇到好多挫折：失戀、轉工、病痛，或者突然間迷失方向。這時候，我們容易忘記自己手裡其實握住個導演椅。
很多人會將個主導權交給其他人，讓父母、朋友、社會甚至運氣來決定下一幕該點拍。但其實，你隨時可以喊「Cut！」，重新拿返主導權，改寫劇情。（唔一定下下都拍恐怖片嘅。）
我成為教練咁多年，好多人都stuck喺「過去」這一章，覺得好似拍來拍去都係咁，點樣拍都唔靚。有人會講：「我又遇到同一類型嘅問題啦」我會笑住答：「因為你重複用同一份舊劇本呀！」
人生電影唔係要完美無缺，人本來就唔完美。你可以選擇將挫折拍成苦情戲，也可以將佢變成逆轉嘅喜劇。
同一場雨，有人拍到喊苦喊忽，但係其實亦都可以拍拍到主角撐起雨傘勇往直前，激勵勵志。分別只在於，你想點樣編劇。
教練的角色，就好似電影裡面那位可靠的同行者。我哋唔會搶你的主角位，亦都唔會寫你個結局。我們只是陪你走一段路，幫你看清鏡頭外的盲點，問你幾句：
「呢一幕你真係想咁拍嗎？」
「如果你可以重拍，你會點改？」
支持、鼓勵、問責，持續支持你去行動。
最終，決定套電影點樣拍，點樣編，永遠都係你。我鼓勵你，不如今日開始，給自己的電影加一點新元素。試吓寫一個你從來沒演過的角色：勇敢一點的主角、主動一點的編劇、寬容一點的導演。允許自己可以NG出錯（拍多幾次囉。）試吓一啲全新劇情（一齊冒險。）但係要記住，你有權決定套電影嘅種類係輕鬆喜劇定沉重劇情片。沒有人生來就識做完美導演，但每一個選擇，都是一次練習的機會。
所以，快啲開始寫你嘅劇本，企喺鏡頭前面，深呼吸，對自己講一句：「Action！」你的故事，由你決定怎麼演，創造一套自己嘅人生電影。